風信子開花了

春回大地充滿生機

百花齊放植物長出新葉

So So 早前在花墟買回來的風信子開花了

雖然風信子開花好靚好香
但我既鼻真係好敏感

所以都係放向窗外遠觀算了

為誰心跳

近日So So 無緣無故忽然心跳

聽醫生見意下做個身體檢查

當日即時做咗個心電圖檢查

報告心跳算正常但比較快

再需要驗埋血

報告大部份都 pass
只有膽固醇（紅咗）肥佬

豆豆 : 媽媽，你梗係見我越來越靚仔所以心跳姐

醫生話心跳可能係情緒病引致

唉！遠離抑鬱症條路真係好難行呀！

小盆栽

講埋放復活節期假期最後一日做咩喇~

當日有事要出旺角

小巴經過旺角花墟時

比充滿生氣既植物吸引住

依盆小植物要 $268

肥仔話貴咗D想行多幾間格吓價喎
其實價錢貴唔貴真係好見仁見智
行完成條花墟都係佢最合眼緣

放咗盆小盆栽响到係唔係多咗D生氣哩！
So So 見到店門都有散賣小植物
想自已整一盆放向公司

以上材料費都要差不多一佰蚊
.
.
.
.
.
.
.
.
.
.
.
登   登...................

真係好鬼醜樣
同買番黎果盆真係冇得比

佢地係專業所以真係唔同D既

雀仔 : 咦！有新盆栽喎！飛埋去睇吓先~

再加埋隻雀仔

就黎攪到張枱好似花園咁喇~

放假日(更新)

嘻~嘻~ So So 依個懶精(蒲頭 )喇 ~

雖然五日復活節假期仲未完，都講吓前幾日做D咩喇！

四月二日

放假第一天，晨咁早比人嘈醒，兩公婆就落街飲早茶，見早上天氣好有D陽光，挑起條根連相機無帶就入去西貢，自從無咗架車之後，我地真係好少入西貢，搭小巴途經既地方都改變好多，就連西貢市中心都多咗好多特別商店，鍾意晶石既肥仔，當然唔放過搬咗舊返屋企喇；去到碼頭肥仔話好想搭吓船去遠D地方，八八掛掛之間聽到三十蚊來回橋咀島，兩隻肥鴨就比人呃咗上船囉，印像中橋咀島好似有渡假村，但原來上到岸乜鬼都無，眼見只有一個石灘一個沙灘

同沙洲
，就想揾間士多買支水都無，個沙洲仲要等三點幾水退先可以行過對面個島，等左一陣突然間多雲天暗，而我地無帶足裝備唔敢繼續行，所以見到有船到岸就速逃，回程之間開始大風有浪隻船仲好搖，上到岸一陣仲落埋雨添~

運吉之旅完結~~

四月四日

So So 見肥仔有野做，所以借依個機會自己出街 "平衡心理" shopping (借口)

點知咁就出事.................

見用緊支神仙水用哂諗住入番貨，結果千六蚊出門口..............

轉春天用緊粉底容易出面油溶妝，想轉其他粉底試下，結果八佰幾大元埋單.........

再買埋雜誌..........

最終大量出血喇~

~


四月五日

天氣潮濕最好煲粉葛鰂魚湯，去到街市原來好多師奶都買粉葛煲喎，有朋友教我加埋 (土伏苓 )功效仲好呀~

再偷懶唔煲湯煮飯，肥仔就黎唔要我喇~