與 Betty 姨姨初次見面

豆爸幫豆豆約咗Dr. Betty星期五晚七點見面

於是SoSo一放工立刻九秒九"標"返屋企

立即為隻皇帝仔豆豆做好出街準備

出發喇~

手忙腳亂之間忘記幫豆豆袋裏放草同水壺
唉！依個媽媽真失敗

去到診所見到傳聞既 "蕃薯"

豆豆 : 依到邊樹黎？

睇黎豆豆今次出街唔係好驚喎
仲八八掛掛四周望

豆豆見到每樣野都好好奇

終於見到 Dr. Betty 姨姨喇~
檢查後 Dr Betty 話豆豆染到真菌皮膚病
就好似人類既皮膚癬一樣要食同擦藥
快要三星期慢既可能要幾個月先好

Betty 比咗三個星期藥
三星期後再返去覆診
返到屋企比條菜菜豆豆定吓驚先

So So : 豆豆，Betty姨姨話你太肥要減兔糧呀！
豆豆 : 吓！

豆豆 : 嗚...................... 慘喇！以後無啖好食喇~

煲仔飯

近排天氣轉涼

最好食番個煲仔飯暖吓胃

一共八款

你地鍾意食邊款呀？

So So 近排經過七仔門口
發現有個煲仔飯扭蛋機

仲欠一煲鱔煲就可集成一套

Yeah !

終於可以集齊一套喇~

豆豆 : 唉！幾十歲仲學人玩玩具
無你咁好氣
凍冰冰瞓吓覺覺豬好過喇~

甩毛兔 ( 更新 )

天氣凍為免凍親豆豆

我地諗盡辦法為豆豆保暖

本想買寵物布屋比佢

但豆豆隻曳豬好鬼牙痕

一定同我咬爛不但止仲食埋落肚

於是豆豆爸爸諗諗計

用個水盆加塊布地墊
諗住布地墊又厚又硬比起毛巾無咁易咬爛
點知一樣比隻破壞王攪掂左

豆豆 : 因為我唔鍾意佢囉！

我都係鍾意瞓我個皇帝位

唔好嘈住晒呀~

咗住本少爺瞓覺覺豬

另外近日發現豆豆背脊無咗執毛仲有D皮屑

因為豆豆好細膽
試過帶佢落公園
佢嚇到瓜瓜叫
真係驚到叫咗出黎
所以我地怕豆豆驚出街睇醫生
試吓由寵物店買既藥膏擦吓先

中間果盒係 (小動物殺菌茶樹皮膚軟膏)

依幾日豆豆擦咗D藥又好似好番好多
側邊D毛都開始生番出黎
皮屑又漸漸減少
但大家放心如果豆豆擦極藥都唔好既話
我地謂有忍心D捉佢睇醫生喇！

（（更新））
經我同豆豆爸商量過後，最於決定要同豆豆睇醫生，
我地已經 book 左星期五晚七點睇 Dr. Betty，
依家諗緊方法點樣可以令豆豆唔好咁驚喇~

P.S. 仲有好多謝 Bo Bo 媽比Dr. Betty 資料我，

        多謝小b媽，小柑媽，Peter媽及各位兔媽既

        寶貴見意，Thank you very much !!!

愛上了煲湯

So So 自從早前感冒煲過湯水後

依家每星期都習慣煲一次老火湯

但煲來煲去唔係粉葛湯

就係青紅蘿白湯

咁啱今朝去 "屈人寺"買日用品時

見有位呀姐 sale 緊 D湯包

一百蚊有四包

有D益氣化濕
有D係清熱潤喉
今次就試下 (五指毛桃猴頭菇湯 )

藥材有咩功效 So So 一向唔識
所以 "五指毛桃" 真係唔知有咩好處
大家可唔可話比我知呀？
材料當然唔少得加栗米甘荀

再埋豬

今晚晚餐就靠晒佢囉

 

藥煲與湯煲

如果有睇開 So So 個 Blog

就知 So So 係藥煲一個

一直要食抗抑鬱藥

依家仲病埋要食感冒藥
真係食藥多過食飯

轉天氣So So例必病一次
今次仲病咗個幾星期
頭痛，咳，喉嚨痛，鼻塞，流鼻水，鼻敏感齊齊黎

就依個幾星期就睇咗三次醫生
16號一次21號一次24號一次

仲比人話我係唔係前世欠醫生錢

10月16日D藥

10月21日D藥

10月24日既藥，一次比一次多藥

因為病鬼咗
所以依個假期無得去街街

So So食藥食到個口好乾
見到超市有D pack 好一包既湯包
煲啖湯潤一潤先

有合手瓜，甘荀，栗子，蜜棗，南北杏仲有紅色果隻唔知咩瓜

自己再加條粟米(因為So So鍾意食塞米)

今次大煲囉

Set 埋個時間制
攪掂

紅色果隻瓜煲出黎D湯變咗紅紅地